Hüt isch de zweit Wahlgang für de Regiirigsrot und d Franziska Roth vo de SVP isch mit fascht 10’000 Stimme Vorsprung uf d Yvonne Feri gwählt worde. Z Wettige het aber d Yvonne Feri mit 2’268 Stimme d Nase vor de Franziska Roth (1’738 Stimme) und de Maya Bally (1’404 Stimme) gha.
D SVP het zum erschte Mol zwei Regiirigsrät im Kanton. Im zweite Wahlgang het sich d Franziska Roth mit 61’160 Stimme durchgsetzt. Uf em Platz zwei isch d Yvonne Feri mir 51’344 und uf drü d Maya Bally mit 39’788 Stimme glanded. D Jil Lüscher het 5’800 und de Pius Lischer 1’383 Stimme übercho. Insgsamt sind 159’475 gültigi Stimme abgeh worde.
Wettige wird also numme ein Vertreter im Regiirigsrat ha, het doch de Gmeindammaa Markus Dieth scho im erschte Wahlgang s absoluti Mehr chönne erreiche.
Wettiger Nochrichte 