Vor 5 Johr het d «Gnussrunde zum Fiierabe – numme für Manner» zum erste Mal stattgfunde. Us ere spontane Idee esch en Erfolgsgschicht worde.
Vor öppe 6 Johr sind Vertreter vo verschidnige Altersgruppe vo de reformiirte Chilegmeind zämmegsesse und hend sich Gedanke zu ere Veraastaltig für Männer gmachd. Daderbi esch de Gnussrunde entstande. D Idee esch gsi, s Zammesii z gnüsse, Evangelium z läbe, will ja au Jesus gern mit Lüt am Tisch gsesse isch, zum Ässe und Trinke.
Sither lad d Chilegmeind zweimal im Winterhalbjahr zu ere Gnussrunde ii. Au en Sommeraalass isch du Initiative vo Freiwillige scho organisiirt word und sell im 2017 widerholt werde. S bisherig Programm isch vilfältig gsi. S bisherig Programm isch vilfältig gsi: Wy, Biir, Schoggi, Fondue und alkoholfreie Gnuss het scho uf em Programm gschtande, wi au ernschti Themene wi en Vortrag vomene Herzspezialist und vor kurzem, bim Jubiläumsaalass, Demenzerkrankige.
Us aafänglich 14 Teilnehmer het sich d Zahl bi öppe 25 iipendled, au wenn bi einzelne Aaläss scho meh wi 50 Manner si da gsi. Breit isch au d Altersspanne, isch doch de bisher jüngscht Teilnehmer 18i gsi, de ältischt 94.
Es esch bim Jubiläumsaalass dütlich worde: D Männer freued sich uf witeri interessanti Begegnige!
Wettiger Nochrichte 