Zügenufruef: Überfall uf en Tankstelleshop

Am Sunntig, 18. Dezember 2016 het en Unbekannter en Tankstelleshop überfalle. Er het müesse flüchte und het trotz Fahndig nöd chönne feschtgnoh werde.

Es esch öppe Viirtelvorachti am Abig gsi, wo de unbekannti Maa de Tankstelleshop a de Zentralstrass betrete het. Mit eme Messer het e en Aagstellti bedroht und versuechd s Kasse z öffne. Wo ihm das misslunge esch, esch en ohni Beute Richitg Bahnhofstrass gflüchtet.

Mereri Patrouille vo de Kantons- und de Regionalpolizei hend nach em Täter gfahndet, aber nöd chönne feschtneh.
Er wird wi folgt beschribe: öppe 170 cm gross, schlanki Statur, mit schwarze Kapuzejacke und ere schwarze Sturmhuube, er het schwiizerdütsch gred und esch mit eme Messer bewaffnet gsi

D Kapo Aargau het Ermittlige iigleitet. Wer verdächtigi Beobachtige im Umfäld vom Tatort gmachd het, sell sich bi de Kapo z Bade (Telefon 056 200 11 11) melde.

Advertisements