Grossi Ehr für de Hockeyclub Rotwiis Wettige – A Europacup im Tägi !!!

RWW isch usgwählt worde als Usrichter vom Dame A Europacup (EuroHockey Indoor Club Champions Cup). S Turnier find vom 17. bis 19. Februar 2017 im
Tägi statt.
img_2592Zum EuroHockey Indoor Club Champions Cup treffed die acht beschte Fraue-Teams vo Europa ufenand. Es mässed sich denn i de Tägi-Halle:
– Mannheimer HC (Dütschland)
– SV Arminen (Öschtriich)
– HC Minsk (Belarus)
– HC Pingouin (Belgie)
– Club de Campo Villa de Madrid (Schpanie)
– SK Slavia Prag (Tschechie)
– SV Kampong (Niderlande)
– HC Rotweiss Wettingen (Schwiiz)

De Hockeyclub us Wettige wot en unvergässliche Event uf d Bei stelle und het extra es 14-chöpfiges OK bildet, wo sit August 2016 für das Turniir schaffed.

Rotwiis Wettige isch stolz und freut sich riesig, dass si de internationali Event dörfed durefüehre. De Verein het scho bi villne europäische Turnier als Verastalter bewiese, dass Wettige en tolle Usträgigsort esch, natürli au dank de Unterstützig vo de Gmeind und vo villne freiwillige Hälfer.

Will d Dame vo Rotwiis im letzscht Johr ufgstige sind, wartet jetzt mit dem A-Europacup e bsunders tolli Ufgab uf de Verei. Er hofft natürli uf vill Zueschauer, wo faire Spitze-Sport und e tolli Atmosphäre chömed cho gnüsse!

De Fabian Schmid het für d Wettiger Nochrichte es Interview mit de Präsidentin vom OK, de Petra Aebi gführt. S Video isch im Artikel Schlüsselübergab vomene Fiat mit Werbeufdruck für de Europacup verlinkt.

Advertisements