Für d Sammlig vo Altglas, Wissblech und Aluminium betriibt d Gmeind a verschidnige Ört Sammelstelle. Di bi de Turnhalle Zehntehof esch sit geschter gschlosse.

Wi scho bi andere Sammelstelle, wird au di a de Landstroos unter de Bode verlegt, also zu ere sognannte Tiifesammelstell umbaut. De Umbau goht öppe drü Woche. D Gmeind empfiilt in dere Zit uf d Sammelstelle a de Jurastroos und de Stigelestroos uszwiche.