Am Samschtig esch Papir- und Kartonsammlig

Gärn erinnered mir euseri Läserinne und Läser an die nächsti Papir- und Kartonsammlig. Am Samschtig, 28. Januar 2017, ab em Sibni am Morge sette überall z Wettige d Papier- und Kartonstapel parat stoh.  D Bige dörfed nöd schwerer wi füf Kilo si und zum Bündle dörf me kei Plastikbändel oder Klebband oder ähnliches neh.

D Sammlig wird vo Jungwacht und Blauring duregführt. Aasprechperson esch de Marc Güntensperger (marc.guenti(at)gmx.ch)

Advertisements