Morn esch de erscht Schueltag im noie Zehntehof

Im Frühjahr 2015 esch s alte Schuelhuus Zehntehof abgrisse worde. Morn werded d Schüelerinne und Schüeler s erschti Mol im Noibau de Unterricht bsueche.

S alti Schuelhuus

Manche säged, es sigs modernschte Schuelhuus vo de Schwiiz, i dem am Mentig, 20. Februar 2017 zum erschte Mol Unterricht stattfind. Zwei Tag früehner wi di andere Schüeler z Wettige hend 5.&6.-Klässler Ferie gha, damit würkli alles rechtzitig cha an Ort und Stell si. 

In de Zwischeziit hend d Lehrerinne und Lehrer Ziit gha, di moderne Wandtafle und di andere technische Noierige uszprobiire und mir sind gspanned, was d Schüeler und d Lehrer zum Schuelhuus säged, wenn si di erschte Erfahrige gsammled hend.

Advertisements