Am Tsischtig, 14. März 2017 het es im Fyrabigvercher bi de Usfahrt Wettige-Oscht uf de Fahrspur Richtig Würelos en Uufall gäh. Drü Auto sind beteiliged gsi.
Da langi Rückstau esch ois geschter scho gmälded worde, jetzt chönnd mir oi au säge, was de Grund gsi esch: En 29-jährige Automobilischt esch mit sim Skoda Ivo de Usfahrt Wettige-Oscht her Richtig Furttalchrüzig unterwägs gsi. Er häd z spot realisiirt, dass s Auto vo ihm, glenkt vomene 50-jährige, aaghalte häd und esch uf de Nissan ufgfahre. De Ufprall esch so starch gsi. dass de Nissan uf en VW gschobe worde esch, wo no eis vorne dra esch gsi. I dem Auto esch en 42-jähriger am Stüür gsi. Sini Beifahrerin häd sich bim uufall verletzt und esch zur Kontrolle ins Spital brochd worde. Di jewilige Fahrzürführer sind unveretzt  blibe. A de Fahrzüüg esch en Schade vo öppe 25’000 Franke entstande.
De Rückstau esch ufgrund vom hohe Verchersufkomme um di Tageszit, bis uf d Autobahn zrugg gange.