Superhelde im Chilegmeindshuus

Mit eme Familie-Gottedienscht sind am Sunntig, 23. April d Kolibri-Täg z End gange. Die reformiirte Chilegmeinde Wettige-Noiehof und Würelos hend si gmeinsam veraastaltet.

Scho sit einige Johr werded di Kolibri-Täg vo de beide reformiirte Chilegmeinde gmeinsam veraastaltet, namentlich vo de Sozialdiakonin Irina Rindlisbacher und em Sozialdiakon Michael Schatzmann, zämme mit eme grosse Team an freiwillige Hälferinne und Hälfer. I dem Johr esch s Thema “Superhelde” gsi. D Chind hend verschidnigi Superhelde us de Bible kenneglehrt, zum Bischpil de Joseph, wo es z Ägypte bis zum Stellvertreter vom Pharao brochd het oder über de Jakob, wo in Traum e Leitere zum Himmel gseh het. So e Himmelsleiter hend d Chind dann au baued. Vom Tsischtig bis am Fritig esch somit vil Läbe im Chilegmeindshuus gsi, wo schuscht i de Ferie gschlosse esch. Mit em Familie-Gottesdienscht am Sunntig hend di Kolibri-Täg dann en schöne Abschluss gfunde.

Advertisements