Bumann der Restauranttester isch z Wettige gsi

Am Samschtig, 6. Mai 2017 isch de Daniel Bumann, Spitzekoch und Reschtaurantteschter, für Filmufnahme z Wettige gsi. Vor em Vini Sacripanti het er zwei Köchinne vomene Foodtruck berote.

Am Namittag isch de Foodtruck ‘Rasendi Chuchi’ a de Lägerestrass vor em Vini Sacripanti im Iisatz gsi. Di beide Köchinnen Marlies und Nicole Maag hend choched und de 18 Pünklikoch us em Bündnerland het ihne uf d Finger glueged. Das ganze isch von de Produktionsfirma Warner Bros. ITVP Köln im Uftrag von 3+ Züri ufzeichnet worde und sell in de noie Staffle, wo ab August 2017 uf em Sender 3+ usgstrahled wird, gsendet werde. Für d Kunde von.Vini Sacripanti hets da Glägeheit geh, am Stand z Degouschtiire, so dass es zum fine Sacripanti-Wy au es spannends, kulinarisch köstlichs Erläbnis für d Wettiger geh het.

Advertisements