A de Fridestrass hets am Mittwoch am Abe brönnt. Imene Huus, wo grad saniirt wird, het es im Dachstock brönnt.
De Rauch vom Brand a de Fridestrass esch im Quartiir guet z gseh gsi, aber vili Aawohner hend erscht durch d Sirene vo de Iisatzfahrzüüg realisiirt, dass es z Wettige scho wider brönnt. D Polizei, d Füürwehr und d Ambulanz esch schenll vor Ort gsi und nach öppe zwei Stund het d Füürwehr chönne zämmeruume. Au de Gmeindammaa, de Roland Kuster esch vor Ort gsi, esch doch d Sicherheit eis vo sine Ressort.

Verletzti hets zum Glück keini geh, de Sachschade esch nach Aagabe vo de Kantonspolizei aber erheblich.
Hiir noch en Uswahl an Föteli, wo mir während em Abe übercho hend: