Am Wochende vom 24./25. Juni 2017 het im Stadion Alteburg s traditionell Fuessballturniir vom FC Wettige stattgfunde. An beide Täg hend jewils meh wi 30 Mannschafte um de Siig gschpilt.

Am Samschtig hend di 1.-3. Klasse us de Wettiger Primarschuel ihri jewiligi Gwünnermannschafte ermittled. Mit vil Froid und Iifer sind di junge Fuesballerinne und Fuesballer bi de Sach gsi und bi Niderlag isch au di ei oder ander Träne gflosse.
Ebeso isch es am Sunntig gsi, wo di 4.-6. Primarklasse ihri Champions ermittled hend. Im wie immer super organisiirte Turniir het de FC wider zeiged, wi er jungi Lüt fürs Tschute cha begeischtere und au d Zueschauerinne und Zueschauer sind uf ihri Choschte cho.

D Gwünner sind bim RVBW-Cup 2017 folgendi Mannschafte gsi:

Klasse 1: Dragonfire (1c Altenburg)

Klasse 2: Die wilden Feuerbälle (2a Margeläcker)

Klasse 3: Skeleton (3a Margeläcker)

Klasse 4: Silverstars (4a+c Dorf)

Klasse 5: Shadows (5e)

Klasse 6: Dap Kings (6h)