Z Ängelbärg als Sidler unterwägs

Traditionell veraastaltet di evangelisch-reformiirt Chilegmeind Wettige-Noiehof es Sommerlager für d 1.- bis 5.-Klässler. D Chind sind in dem Johr als Sidler z Ängelbärg unterwegs gsi.
Wi immer het s Sommerlager in de erschte Feriewoche stattgfunde. D Grundlage für s Thema «Sidler» isch zum eine d Gschicht vo de Familie Sager gsi, wo 1843/1844 uf em Oregon-Trail mit eme Sidlertreck unterwägs gsi isch, zum andere s Spili «Sidler vo Catan», wo d Gruppe jede Abig gspild hend und wo d Tagestheme vorgeh het. D Chind hend sich mit Ackerland und de Produktion vo Getreide, Hügelland und de Gwünnig vo Lehm, Weideland für s Züchte vo Schof, Gebirge zum Abbau vo Erz und em Wald und de Nutzig vo Holz bschäftiged. Hüsli baue, Schof baschtle, Gländespili und e Wanderig hend zu de Aktivitäte ghört.
So isch en abwächsligsriichi Woche schnell z Änd gange und d Ältere, wo unter de Woche durch Tagesbricht, Foti und Videos us em Lager informiirt worde sind, hend ihri Chind am letschte Samschtig am Bahnhof z Wettige wider chönne in Empfang neh.

D Lagervideos sind hiir z finde.

Advertisements