Mir vo d Wettiger Nochrichte hend bisher öppe 90 Videos veröffentlicht. De absoluti Renner isch das vo vorgeschter.
D Übernahm vo de Wettiger Nochrichte durch de Fabian Schmid und de Lutz Fischer-Lamprecht am 20. September 2015 (sit em Juni 2017 gehörd au de Markus Haas zum Redaktionsteam) het sin Ursprung in de Videos, wo di beide für d Wettiger Nochrichte produzirt hend. Über 90 sind es in de Zwischeziit, meischt Interview, aber au Bricht sind derbi. Das meischt aaklickd Video isch bis hüt am Morge “Wettige Second” gsi, wo in de letschte füf Mönet genau 1700 mal glueged worde isch. Den Spitzestand het hüt s Video über de Blitziischlag vom 1. August 2017 egalisiirt. Auf das Video isch 1700 mal glueged worde, aber innerhalb vo nöd emol zwei Täg. Mir danked Filmer fürs zur Verfüegig stelle und froied ois, au witerhin für oich Noiigkeite US Wettige z vermeld. Gern mit oirer Unterstützig in Wort, Föteli und Videos.
Wettiger Nochrichte 