BDP tritt nümm zur Wahl aa

Im Iiwohnerrot isch d BDP acht Jahr verträte gsi. Di Ära endet mit de laufende Amtsperiode.

D Gmeind het d Liste vo de Kandidate und Kandidatinne für d Wahle zum Iiwohnerrot veröffentlicht und daderbi falld uf, dass d BDP fehlt. Si isch acht Jahr lang im Iiwohnerrot verträte gsi und het bi de Wahle jewils ein Sitz chönne günne. Ab em Juni 2016 het d BDP dann zwei Mitglider im Iiwohnerrot gha, wil de Martin Spörri vo de SP zu de BDP gwächsled het. Wo dann de Michael Merkli im Frühjahr 2017 de BDP de Rücke kehrt het, isch d Partei wider bi eim Sitz gsi.

Ab em 1. Januar 2018 wird d Partei nümm verträte si, wils muetmasslich letschte Wettiger BDP-Mitgliid, de Martin Spörri, nümm zu de Wahle aatritt. D Stellignahm, wo er ois vor drü Woche zugsait het, isch leider no nöd bi ois iitroffe.

Advertisements