Zwüschem Sibni und em Nüni am Abig vom Fritig, 18. August 2017 isch es zumene krasse Temperatursturz und zu Sturmböe cho. Au d Füürwehr het müesse usrücke.

Wo es überall Schäde geht het, wüssed mir nöd, aber i de Eigerstrass isch en grosse Baum usenand broche. Zum Glück het er numme de Wäg zum Huus blockiird. D Aawohner, d Fassade und d Auto direkt daneben sind nöd troffe worde.

De Rescht vom Baum muess nach Aagabe vo de Füürwehr au umta werde, wil d Gfahr höchste isch, dass er bi nächschter Glägeheit au umgheit.

Hand ihr au Schäde beobachted? Dann melded oich doch bi ois.