Nachdem de Gmeindrat am 7. Juli 2017 di sofortig Schlüssig vom Tüfwasserbecki im Hallebad bschlosse het, wird s Bad wider göffnet. Ab em 26. August cha me au im Hallebad wider richtig go schwümme.
So erfreulich d Mitteilig isch, dass s ganze Tägi wider cha gnutzt werde, so verwundered riibd me sich d Auge, über d Mitteilig, dass s Tägi am 26. Auguscht wider wird öffne. Di iisturzgfährdeti Holzdecki isch abbaud worde, so dass si nümm cha abstürze. In de Mediemitteilig vom 7. Juli hets aber gheisse gha: «In Abwägung aller Umstände ist der Gemeinderat dabei zum Schluss gekommen, dass eine vorübergehende Sicherung oder ein teilweiser Abbruch und Weiterbetrieb im Schwimmerbereich nicht in Frage kommen kann.» Durch d Wiedereröffnig zeigd de Gmeindrat, dass d Umständ vilicht doch nöd eso intensiv Abgwoge worde sind, wie me das eigentlich als Stüürzahler würd erwarte.