Gege de FC Wange bi Olte het de FC Wettige e starki erschti Halbzit gschpilt. Aber zum Schluss hets numme zu eme 2:2 glanged.
Am Samschtig, 16. September 2017 isch im Stadion Alteburg isch de Wettiger Tabellenachbar us Wange b. O. z Gascht gsi. Wettige het de dütlich besser Start verwütscht und isch schnell mit 1:0 in Führig gange. D Heimmannschaft het in de erschte Halbzit klar dominiirt und s 2:0 isch di logisch Konsequenz gsi.
Unter ganz andere Vorzeiche het di zweit Halbziit gstande. Ob es de Trainer vo Wange gsi isch, wo in de Pause sini Manner motiviirt het? D Gäscht hend druckvoll nach vorne gspild und Wettige het zunächscht nümm allzuviel z Stand übercho. Wange het dann de Aaschlusstreffer chönne schüsse und spöter zum 2:2 usgliiche. Zum Schluss heted beidi Mannschafte de Siig chönne davotrage, aber letschtendlich isch es bim grächte 2:2 blibe und di beide werde wohl au nach dem Spiltag Tabellenachbare bliibe.
Wettiger Nochrichte 