Am 30. September 2017 findet s Abschlussfäscht im Maislabyrinth statt.
Bem Eröffnigstag send es nahezue 400 Persone gsi, wo sich is Labyrinth verirrt händ…zum guete Glück händ alli de Weg weder usem Labyrinth g’funde.
Die, wo scho mol gsi send, wüssed, dass mer Wildsäu hed chönne go jage und debii öppis cha gwünne. Am Samschtig de 30. September werdet denn no die Priise verlost.
Gmäss Snadro esch s Labyrinth bis ca. 17Uhr göffnet…. gli druf abe fahred denn d Maschiene uuf=;O)
Meh Infos findet Ihr uf de HomePage vom Maislabyrinth: https://www.maislabyrinth-wettingen.ch
Wettiger Nochrichte 