De Maurus Kaufmann isch Lehrer an de Kanti Wettige. Aber nüm lang. Er het nämli sini Stell künd.

Durch de Rücktritt vom Badener Grüene-Nationalrot Jonas Fricker wird d Grossrötin Irene Kälin Nationalrötin. Das het zur Folg, dass si us em Grosse Rot zrucktritt. Ihre Nachfolger im aargauische Kantonsparlament isch de Maurus Kaufmann, wo z Wettige a de Kanti unterrichtet, wi s Badener Tagblatt in sinere Online-Usgab mitteild. Das widerum isch nöd möglich, wenn er Kanti-Lehrer bliibt, wil das nöd mit em Unvereinbarkeitsgsetz vom Kanton vereinbar isch. Us dem Grund het er sich entschlosse, sini Stell z künde und fürs neue Johr e Stell z sueche, wo mit em Unvereinbarkeitsgsetz vereinbar isch.