Zügeufruef: Uufall uf de A1

Am Tsischtig, 7. November 2017 kurz vor de Halbiföifi am Namittag isch es uf de A1 z Wettige zumene Uufall cho, wi d Kantonspolizei (Kapo) mitteild. Si suecht Züüge.
S isch e richtigi Kettereaktion gsi, wo vorgschter schints zu dem Uufall gführt het. Nach Aagabe vo de Kapo isch es schwarzes Auto uf em linke Überholstreife Richitg Bärn gfahre . De Fahrzüüglenker het schints z spot realisiirt, dass de Verkehr vor ihm ins Stocke grate isch. Um en Uffahrtkollision z verhindere, isch de Fahrer nach rächts uf de ander Überholstreife usgwiche. Dadurch het en Laschtwagefahrer, wo uf de mittlere Spur gsi isch, ebefalls nach rächts müesse uswiche und het daderbi en nebe ihm fahrende LKW gstreift. An beide Laschtwäge isch en vergliichwiis gringer Sachschade entstande. Di beide Chauffeure hend aaghalte und d Polizei verständiged, während d Perosn, wo mit em schwarze Auto isch unterwägs gsi, witer gfahre isch.
D Mobil Iisatzpolizei z Schafise (Tel. 062 886 88 88) suecht Augezüüge.

Advertisements