Jungwinzer erfolgriich!

De Wettiger Jungwinzer Christian Steimer ghört mit sim erschte Pinot Noir Barrique zu de allerbeschte em Kanton Aargau.

Im Rahme vom Aargauer Wiignuss sind die beschte Aargauer Wii i verschidene Kategorie uszeichnet wurde, drunder au en Wii vom Wettiger Jungwinzer, em Christian Steimer. Mit Stolz dörf er sin aller erschte Pinot Noir Barrique präsentiere, wo dur sini schlichti blaui Etikette uffalt. S Diplom für sin „Christian Steimer Pinot Noir Barrique“ het er am Donnschtigobig vom Regierigsroot em Markus Dieth in Aarau dörfe entgege neh.
Knapp e Wuche vorher het er sin Wii de Öffentlichkeit am Treberwurschtesse ufem Lindeplatz vorgstellt, welles au i de vierte Usgab en volle Erfolg gsi isch. Nebscht sim Pinot Noir Barrique hets au velli wiiteri Wii zum Probiere geh. Nach dem Erfolg wird’s bestimmt au e nächschti Veraastaltig geh.

 

Advertisements