Am Mentig, 18. Dezember 2017 isch en Tankstelleshop a de Landstrass überfalle worde. De Täter isch flüchtig.
IMG_4002Es isch öppe Halbiachti am Abig gsi, wo en ehnder junger Maa geschter de Shop vo de Tamoil-Tankstell betrete het. Er het uf es Messer im Hosebund zeiged und d Aagstellti ufgfordered, de Tresor ufzdue. Wo er gseh het, dass es im Tresor keis Bargeld het, het er de Inhalt us de Kasse graubd und isch geflüchted. Obwohl d Polizei mit mehrere Patrouille nach em Täter gfahnded het, isch de Täter no flüchtig.

D Kantonspolizei suecht Züüge. De Täter wird als öpp 170 bis 175 cm gross und schlank beschribe. Er het e dunkelblaui Winterjacke, dunkle Jeans und wissi Laufschueh aagha. Er isch vermuetlich en Südländer und het akzentfreie Hochdütsch gred. Wer Aagabe zum Täter cha mache, sell sich bi de Kapo z Bade (Telefon 056 200 11 11) melde.