Mir vo de WettiherNews hei grad bi 10vor10 en Bricht über Glice glueged. Die Schwiizer Firma hed en Kunststoff entwickled, uf dem me mit Schliefschueh cha fahre, Iishockey spiele, Pirouette dreie, also alles, wo uf ere ächte Iisbahn möglich isch. De Vorteil isch, dass es numme für d Produktion Energie bruuchd. De Betriib vo de Iisbahn, wo pro Qudratmeter bim Energieverbuuch vonere Familie ligd, bruuchd degäge kein Strom. D Iisparige müessed also gross si, isch doch s tägi hüt eine vo de gröste Stromverbruucher z Wettige. Mir sind gspannd, ob de Iiwohnerrot oder de Gmeindrot wird prüefe, ob das für eus en Alternative wär.