Wettige isch für Parteie en beliebter Versammligsort. Nachdem d FDP Aargau ihre kantonale Parteitag mit de Nominierig vom Philipp Müller zum Ständerotskandidat im Rothuus z Wettige abghalte het, teild d glp mit, dass die nächsti Delegierteversammlig vo de Grünliberale vo de Schwiz am 18. Aprile au z Wettige wird stattfinde. De Versammligsort wird in de Kantonsschuel si, wie us de Pressemitteilig z entneh isch, wo d WettigerNews übercho hei. Näbst ere Analyse vo de dann zrückliegende Kantons- und Regierigisrotswahle im Kanton Züri durch de Martin Bäumle werde d Abstimmigsparole für de 14. Juni gfasst, wo über d Präimplantationsdiagnostik, d Erbschaftsstüürreform, s Bundesgsetz über Radio und Fernseh und d Stipendieinitiative abgstimmd wird. Zu de Delegierteversammlig werde öppe 130 Persone erwartet und d Eröffnigsred wird de Gmeindsamma vo Wettige und Grossrotspräsident Dr. Markus Dieth halte.

Advertisements