Am letzte Samstig hed z Wettige uf em Zäntrumsplatz zum dritte Mol s “Oster Frühjahrs Vespa Treffen” vom Vespafanclub Schwiz stattgfunde. OK-Chef und “Erfinder” vo dem Aalass isch de Uwe Knopf, wo bis vor zwei Johr z Wettige gläbt het. Unterstützt worde isch er durch de Vespa Club Wettige und ander Vespa-Clubs. Nebem “leiblichen Wohl” isch en Corso, “Benzingspröch” und e Sägnig im Zentrum gstande. Zu eusere Überraschig isch di Sägnig durch en reformierte Pfarrer vollzoge worde, der aber uf Nochfrog betont hed, dass e Segnig vo Mönsche (de Vespisti, wie die Vespa-Fahrer sich nenne) nüd ungwöhnlichs bi de Reformierte sig, er aber d Vespas sälber nöd gsegned hed (will reformierti numme Mönsche düend sägne). Jedefalls sind Organisatore sehr zfride gsi mit de Verastaltig und au im nächste Johr soll es das Osterträffe öppe im gliiche Rahme wieder geh. Im OK wird’s aber sicher Veränderige geh. De Uwe Knopf hed betond, dass das Osterfrühjohrsträffe sis “letschte gsi isch”, wo er als OK-Präsident verantwortet und er “mit Freud und nem tränende Aug abgibd a en junge coole Club”. Es isch nämlich de VC Wettige, wo in Zuekunft den Aalass wird organisiere. Mir sind also gspannd ufs IV. Osterfrühjohrsvespaträffe am Karsamstig 2016 uf em Zäntrumsplatz z Wettige.
Wettiger Nochrichte 