Vespa-Träffe uf em Rothuusplatz

VCW OstertraffenAm Karsamschtig, 26. März 2016 finded zum 4. Mol s Oschter-Vespa-Frühjohrsträffe z Wettige statt. Organisiirt wird das Träffe zum erscht Mol vom Vespa Club Wettige und de Aalass findet au zum erschte Mol uf em Rothuusplatz statt. De bisherig Veraaschtaltigsort, de Zentrumsplatz, isch fürs Träffe z chli worde. Veränderet hend sich au d Ziite, so ischs Aarolle jetzt scho um ölfi. S Programm seöber isch aber gliich blibe und so wird de Wettiger reformiirt Pfarrer Lutz Fischer-Lamprecht d Vespa-Fahrerinne und -Fahrer sägne und ihne alles Gueti für die noi Saison wünsche. Im Aaschluss an d Sägnig isch um halbzwöi en Corso planed und danach “Benzingspröch”, also de Ustusch vo de Vespa-Fans unterenand.
Selbstverständlich het de Vespa Club Wettige au e Fäschtwirtschaft organisiirt, so dass niemed hungrig oder durschtig hei muess. Zudem sind natürlech au Nicht-Vespa-Fahererinne und -Fahrer bi dem Aalass willkomme.

Advertisements