Vill Platz für jungi Lüüt in der Evangelisch-methodistische Chille. Die stoht fascht uf der Gränze zu Wettige. Dört isch dr neu Pfarrer Stefan Moll e Schritt in Hintergrund trätte und macht de Junge Platz. Die gschtalte fascht dr ganzi Oster-Gottesdienst eleige. Sie mache ihre Musig, sie dürcke ihre Glaube in Bilder und Lieder us, sie verzälle d’Oschtergschicht. Me chönnti dänke: denn muess dr Pfarrer numme no d’Predigt mache. Aber so eifach isch das nid. Au das will e Jugendliche us Wettige übernäh.
Was isch denen junge Lüüt an Ostere so wichtig? – Si hei gseit, dass es si stöört, dass Wiehnachte so vill wichtiger si söll. Oschtere het für si die grösser Bedüütig. Dorum wänn sie am Sunntig Morge es Fescht mache. Ihne wäris wichtig, wenn e Huffe Chinder würde mitmache. In der Chirchgmein sälber hets im Momänt nit so vil Chinder, obwohl die Gmeind ganz vill für d’Chinder macht. Jetzt wänn die Junge Lüüt Familie und Chinder in ire Gottesdienst iilade. “Ohni d’Chinder gits kei richtigs Osterfescht”, säge si.
Oster-Gottesdienst in dr
Evangelisch-methodistische Kirche
Seminarstrasse 21, Baden,
Oschtersunntig am 10.30, ufpasse, s’git d Umstellig uf d’Summerziit.
Wettiger Nochrichte 