Bim «40 Minuten»-Talk am letzte Mittoch im Museum Eduard Spörri isch es im Gspröch zwüschem Pfarrer Lutz Fischer-Lamprecht un em Kurator vom Museum, em Rudolf Velhagen, um die «grosse Froge» vom Läbe un vom Stärbe gange.
De Gast vom Rudolf Velhagen bim «40 Minuten»-Talk isch in dem Johr der reformierti Wettiger Pfarrer Lutz Fischer-Lamprecht gsi. Für die, wo zum Zulosse cho sind, isch schnell dütlich worde, dass de Gastgeber d Glägeheit, en Theolog als Gspröchspartner z ha, hed welle nütze, um über d Verchnüpfig vo biblische Motiv mit aktuele Themene z rede. Die aktuelli Wältlag, wo vo grosse Konflikt prägd isch, zeiged e Grundstruktur vom Mönsch, wie sie au im Brudermord vom Kain am Abel aglegd isch, so sin sich die beide einig gsi. Witer isch es vo de Opferig vom Isaak über Adam un Eva bis zum Kampf vom Jakob am Jabbok gange. Letzteri verzälld von eme Kampf vom Jakob mit Gott, was de Velhagen zum Aalass gnoh hed, de Gast z fröge, ob er au scho mit Gott kämpfd heig, wüssd, was Zwifel sind. Ganz offen hed de Pfarrer von ere Glaubenskrise während em Studium verzälld und betond, dass es au en «gsunde Zwifel» ded gäh, wo zum Glaube dezue ghöri. Dadermit sind die beide bi de Jünger vo Jesu aaglangd gsi, wo es au en Zwifler gäh hed. Spannedn sig, so hei d Zueschauer es chönne vernäh, dass de Jesus kei «Supergläubigi» um sich umme gha hed. Au Gott selber, wo eus ja in Jesus begegni, sig nöd in Form vo eme «Superman» Mönsch worde. Vordergründig sig er sogar gschitered und isch mit Folterig und Chrüzigung en grausame Tod gstorbe. De Pfarrer hed aagfüegd, dass das für ihn zletzt d Antwort uf d Theodizeefroge sig, dass Gott selbst s Lide erläbd heig und us dem Grund dene bsunders nöch sig, wo liided.
Au s Werk vom Eduard Spörri hed im Gspräch selbstverständlich e Rolle gspild. Als Usgangspunkt hed e Figur von ere Winzerin s Gspröch uf de Wiibau glänkd, wo für Wettige bedütend isch gsi. Über Johrhunderti hed s Chloster de Wiibau gfördered. Mit de Entwicklig vo Wettige vom Dorf zu ere Agglomerationsgmeind, isch vil vo dem alte Wettige verlore gange, wo de Spörri, wo ja im 1901 gebore worde isch, erläbd hed. Sini beide Skulpture vo Winzerinne, wo bim Rothus und an de Brugg Richtig Neuehof z finde, so de Fischer-Lamprecht, siged e Reminiszenz ans alte Dorfläbe. Über d Skulptur von eme Ängel bim Gmeinschaftsgrab uf em Friedhof Brunnewiese, näbe dem de Pfarrer in de letzte siebe Johr öppe 70 mol bim Abschied vo eme Mönsch gstande hed, hed de Talk no einisch e Wendig gnoh und hed di hütig Truurkultur belüchted. De Fischer-Lamprecht hed gmeind, dass nöd numme de Kulturwandel, sondern au d Mobilität grossi Uswirkig uf d Truurkultur heig. Familiengräber, wie sie uf em Alte Friedhof un au uf de Brunnewiese noch z finde siged, cha me z Wettige nüm neu aalege, wil sie ufgrund vom geringe Interesse abgschaffd worde siged. S Gspröch hed mit de Frog gschlosse, wie mir de Flüchtling – em Fremde – sette begägne: «Ohni Angst un ohni Vorurteil», isch d Antwort vo de beide Diskutierende gsi, wie au Jesus de Lüt z Samaria ohni Angst und Vorurteil begegnded isch.
Au s Werk vom Eduard Spörri hed im Gspräch selbstverständlich e Rolle gspild. Als Usgangspunkt hed e Figur von ere Winzerin s Gspröch uf de Wiibau glänkd, wo für Wettige bedütend isch gsi. Über Johrhunderti hed s Chloster de Wiibau gfördered. Mit de Entwicklig vo Wettige vom Dorf zu ere Agglomerationsgmeind, isch vil vo dem alte Wettige verlore gange, wo de Spörri, wo ja im 1901 gebore worde isch, erläbd hed. Sini beide Skulpture vo Winzerinne, wo bim Rothus und an de Brugg Richtig Neuehof z finde, so de Fischer-Lamprecht, siged e Reminiszenz ans alte Dorfläbe. Über d Skulptur von eme Ängel bim Gmeinschaftsgrab uf em Friedhof Brunnewiese, näbe dem de Pfarrer in de letzte siebe Johr öppe 70 mol bim Abschied vo eme Mönsch gstande hed, hed de Talk no einisch e Wendig gnoh und hed di hütig Truurkultur belüchted. De Fischer-Lamprecht hed gmeind, dass nöd numme de Kulturwandel, sondern au d Mobilität grossi Uswirkig uf d Truurkultur heig. Familiengräber, wie sie uf em Alte Friedhof un au uf de Brunnewiese noch z finde siged, cha me z Wettige nüm neu aalege, wil sie ufgrund vom geringe Interesse abgschaffd worde siged. S Gspröch hed mit de Frog gschlosse, wie mir de Flüchtling – em Fremde – sette begägne: «Ohni Angst un ohni Vorurteil», isch d Antwort vo de beide Diskutierende gsi, wie au Jesus de Lüt z Samaria ohni Angst und Vorurteil begegnded isch.
Wettiger Nochrichte 