Am letzte Wocheänd hed in de Leueschüür vo de Kanti Wettige d Delegierteversammlig vo de glp Schwiiz stattgfunde. 155 Delegierti us 19 Kantön sind aawesend gsi und hei vom Präsident Martin Bäumle en Analyse zu de Zürcher kantonale Wahle und de höche Ablehnig vo de Initiative «Energie- statt Mehrwertstüüre».
Uf die unterschiiedlichschte Arte sind bi de DV Wettiger in Erschienig träte, so de Gmeindsamma Dr. Markus Dieth (CVP) mit de Eröffnigred, de alt Nationalrot Heiner Studer (EVP) für d Nei-Parole bi de Abstimmig über d Verfassigsänderig bezüglich de Präimplantationsdiagnostik und de Raj Patoli vom Restaurant Tex Mex mit eme vegetarische indische Buffet. Nöd z vergässe, dass d LägereBräu s Bier für de Aalass gsponseret het und de Wettiger glp-Iiwohnerrot, Präsident vo de Ortspartei und Nationalrotskandidat Orun Palit Tagespräsident isch gsi und d DV moderierd hed. Was in de Presseerklärig vo de glp nöd gstande isch, sind d Parole, wo d Partei zu de vier Abstimmige gfassd hed, wo am 14. Juni an d Urne chömmed.
Wettiger Nochrichte 