GV vo de FDP Wettige

Bi de FDP Wettige, wo am 29. Aprile ihri GV abghalte hed, isch de Thierry Burkhart mit eme Referat über d Vercherspolitk z Gast gsi. Er hed de Teilnehmerinne und Teilnehmer ufzeiged, welli grosse Projäkt in de Region, im Kanton und au in de ganze Eidgnosseschaft uf eus zuchömmed.

Vorher hed d Orts-Partei de Vorstand neu gwähld. Es sind d Yvonne Vogel (Präsidenti, bisher), de Martin Egloff (Vizepräsident, bisher), de Felix Keller (Aaläss, bisher) und neu de Simon Burkart als Kassier und de Damien Campino für s Marketing und die neue Medie. Zruckträte us em Vorstand sin d Barbara Egloff, d Désirée Mollet un de Georges Mattenberger. Zum Vorstand ghörd qua Amt au d Antoinette Eckert, als Gmeind- und Grossrötin. Die hed de Aawesende die neuste Entwicklige in de Gmeind und im Kanton nöcher brochd.

Advertisements