Z Wettige isch en agressive Maa verhaftet worde

Am Sunntig am Morge, so melded s Badener Tagblatt, isch z Wettige uf em Denner-Parkplatz en Maa verhafted worde, wo vorher z Bade en Bus-Chauffeur vom RVBW spitalriif gschlage hed. De Chauffeur liegd im Spital und mit vo de WettigerNews wünsched ihm gueti Besserig.

De Aagriff hed sich an de Haltestellt Bahnhof Ost z Bade ereigned und schiints völlig ohni Grund, hed der 36-jährigi Täter de Chauffeur mit sine Füüst und Füess gschlage, so dass es Opfer ins Spital hed müesse brochd werde. De Täter isch nach dere Tat gflüchded und hed vo de Polizei uf em Denner-Parkplatz z Wettige chönne gstelld werde. Es Video, wo Tele M1 veröffendliched hed, zeiged, wi aggressiv sich de Täter verhalte hed und, dass es vier Poliziste bruuchd hed, um ihn festznäh. De Roland Pfister, Mediechef vo de Aargauer Kantonspolizei vermueted bim Täter en psychische Usnahmezuestand oder Drogeiifluss.

S Video cha me da aaluege: http://www.telem1.ch/show-aktuell/episode-sonntag-17-mai-2015/segment-bus-chauffeur-in-baden-spitalreif-geschlagen

Advertisements