Grosszügigi Spend für d arwo

Ändi März hed d Garage Küng s neue Autocenter z Wettige mit eme grosse Fäst iigweihd. Scho uf de Iiladig heds de Hiwiis gäh, dass de Erlös vom Fäst für d arwo wird si. D Familie Küng hed, wie d arwo-Stiftig uf Facebook mitdeild, jetzed 5000.- Franke gspend. «Ich schätze, was d arwo für behinderti Mönsche machd», hed de Max Küng bi de Cheque-Übergab am Mentigobig  gsaid. De Gschäftsführer vo de arwo, de Roland Meier, isch sehr erfreud und dankbar gsi für die Spend, wil es immer meh Leistige gid, wo nüd deckd siged.

Advertisements