Scho sid einige Johr finded am Pfingstmentig s Chlosterfäst statt, so au jetzt am Mentig (25. Mai). Organisierd vo de Chlostergärtnerei, de Kanti, em Quartierverein Chloster, und vo baer-events.ch gitds en Postelauf durch de Garte, Führige für Chind und Erwachseni durchs Chloster und de Garte und es wird au zeiged, wie mittelalterlichs Handwerk funktionierd hed. S Fäst fangd um elfi aa und gohd bis um vieri. Führige werde zwüsche viertelabelfi und viertelabdrei alli halb Stund aabote. Au für d Verpflägig isch gsorged.
Wettiger Nochrichte 