Me cha die Meldig fast nöd glaube, wo s Badener Tagblatt hüt in de Online-Usgab gmolde hed: Z Bade und z Wettiger sind Bronzestatue und Gfäss vo de Friedhöf gstohle worde. Z Wettige sind sowohl de Alti Friedhof bi de Chile St. Sebastian wie au d Friedhof Brunnewiese betroffe.
De Chef vom Werkof z Bade vermueted Metalldieb hinter dene Diebstähl. Für es Kilo Bronze wird zwüsche drü Franke füfzg und vier Franke füfzg zahld, was d Diebstähl schints lukrativ machd.
Z Wettige hed d Regionalpolizei d Patrouilletätigkeit verstärkt und kontrollird au immer wieder verdächtigi Fahrzüg, wo in de Nöchi parkiere.
Wettiger Nochrichte 