Badener Tagblatt “schiesst” OK-Mitglied ab

Gester hed s Badener Tagblatt brichted, dass s OK-Mitglied vom Wettiger Fäscht, wo kurzfristig für de Jacky S. iigsprunge isch, e pauschali Entschädigung vo 1000.- Franke söd übercho. In de Folgijohr hei s sogar 2000.- sölle si. Vo Unmut in de Bevölkerig isch d Red gsi und vo kritische Stimme au vo  Verei. Uf de andere Site hed s BT keine Vereinsverantwortliche chönne zitiere un, wie en Läser bi de Kommentär geschriebe hed, de Unmut chämdi ehnder durch de Artikel z stand, wil vorher d Verei und Bevölkerig nüd davo gwüssd hed.

In de Zwischeziit, so s BT hüt, hed de Bruno S. uf sini Entschädigung verzichted und tritt nach em Fäscht us em OK zruck. So muess fürs Wettiger Fäscht 2016 es neus OK-Mitglied fürs Unterhaltigsprogramm gfunde werde.

Liebe Läserinne und Läser

Was meined ihr zu dere Geschichd? Heds Badener Tagblatt übers Ziel usegschosse? Oder finded ihr di ursprünglich Vorderig vom Bruno S. danebe? Oder heds OK nie da druf dürfe iistiege?  Oder isch das ganze numme e “Provinzposse” über die au mir besser gar nöd sedde brichde?

Advertisements