De Iiwohnerrot hed d Rächnig gnehmiged

Es sch oppe so cho, wie es z erwarte gsi isch: De Iiwohnerrot hed d Rächnig 2014 gnehmiged, aber nöd mit Kritik gspart. Au die erschte Vorschläg, wie me chönnt spare, sind z ghöre gsi. So hed de Christian Wassmer (CVP), Präsident vo de Finanzkommission, d Mitglieder vom Iiwohnerrot ufgforderd, uf Vorstöss z verzichte, wenn sie neui Koste däte verursache.
Mit de Usgabesituation, so de Gmeindsammaa Markus Dieth, sig de Gmeindrot eigetlech zfriede, aber d Iinahme siged unbefriedigend gsi. Im Prinzip isch allne im Iiwohnerrot klar, dass me am Spare nöd verbichunnd und d Budgetsitzig wird dann dütlich zeige, welli Fraktion wo Möglichkeit gsehd. D Rechnig isch dann eistimmig aagnoh worde und au de Rächeschaftsbrichd isch für de Iiwohnerrot i.O. gsi.
Diskussione und Emotione hed d Frog vom Waldchindergarte usglösd. D Finanzkommission hed en zur Ablehnig empfohle kha und de einzig möglichi Platz uf de Tödiwiese, hed au nöd grad Begeisteig usglösd. Jedefalls isch de Vorstoss vom Robin Bauer (CVP) uf Aatrag vom Gmeindrot mit 35 zu 0 Stimme bi sibe Enthaltige abglehnd worde.