In dere Legislatur hed es scho vieli Vorstöss vo Iiwohnerröt geh, allei mindestens siebzehni vom Michael Merkli vo de BDP. De FDP-Fraktion hed die höchi Aazahl Interpellatione, Motione und Postualt jetzt schints de Deckel glüpfd, wie us em Fraktionsvorbrichd vo de FDP für d Iiwohenrrotssitzig vo morn z entnäh isch. D FDP-Fraktion wod per Postulat erreiche, dass de vom Gmeindrot bi ere Vorlag zumene Vorstoss jewils de zitlich Ufwand und d Koste vom Vorstoss ufzeigd. Zudem empfiehld d FDP, dass Iwohnerröt ihri Froge lieber bilateral mit de jewilige Abteiligsleiter und de zuständige Behörde kläred, statt ufwändigi und kosteintensivi Vorstöss z lanciere.
S Redaktionstem vo de Wettiger News isch gpannd, wie de Gmeindrot uf de Vorstoss wird antworte und ob die höchi Aazahl vo Postulat, Motione und insbsondere vo Interpellatione cha gsenkd werde.
Wettiger Nochrichte 