Schlächti Nochrichte us em Räbberg!

DCIM100MEDIA

Blick uf Wettige und de Räbbärg

Meist chöi mir ja erfreulichs us em Wettiger Räbberg und us em Wycheller brichte, so in de letzte Ziit vo de Goldmedaille für d Wybaugnosseschaft und vom Wettiger Wyfäscht. Leider gits au schlechti Nochrichte, wie im letzte Johr mit de Kirschessigfliege und in dem Johr muetmasslich wege em Spritzmittel vo de Fa. Bayer. Scho im Juli hed s Badener Tagblatt vo de Probläm brichded und gester hed Schweiz aktuell em Wettiger Räbbärg en Brichd gwidmed.
D Trübel sind in dem Johr nöd gued gwachse und Räbbuure befürchte grossi Ernteusfäll. Ob die Trübel, wo wachsed e gueti Qualität hei, also numme Mengeiibusse z befürchte sind, oder ob d Qualität und Quantität liided, wird sich wiese, wenn d Wümmet aafangd.
Mir drucked eusne Räbbuure uf jede Fall d Duume!

Advertisements