Dank em beherzte Iigrife vo Passante, het d Polizei en Ladedieb chönne verhafte, wo ineme Schuelade zugschlage kha het. Oiseri Läserin Helen S., wo an de Verfolgig vom Dieb beteiliget gsi isch, het ois Einzelheite gschilderet:
«Woni a de Landstross mit em Velo of em Trottoir gstande be, hani e Frau ghört lut eme Maa noche rüefe, wo fort grännt esch. Wo de hät wele a mir verbi räne, hani s Velo probiert in Weg ie stelle, leider ohni Erfolg. Dänn beni ihm hinde no gfahre ond ha gseh wiener probiert hät, sich z verstecke. Mit zwe Mane hämmer ihn dänn päcklet ond of Polizei gwartet.»
Mir vo de Wettiger Nochrichte danket de beteiligte für de muetig Iisatz!
Wettiger Nochrichte 
Wele lade? Was het er klaut? Isch er bewaffnet gsi? Do fehlet no es paar Details, liebi Redaktion.
Da hesch rächt. Aber oisi Informandin het ois nöd welle säge, in wellem Lade es gsi isch.
Mir hei no einisch nochgfröged. D Helen S. hed eus mitteild, dass es in eme Schuelade gsi isch (de Artikel isch entsprächend aktualisierd).