Kulturmeilefäscht im Dorf

Gluri Suter HuusNienet z Wettige isch d Dichti an Kultur und Kulturschaffende so höch wi im Bifang und de Umgäbig. De Maler und Bildhauer Cesco Peter het sis Atelier in de Dorfstroos, d Galerii Gluri Suter Huus und s Figuretheater, s ehemolig Atelier vom Walter Huser und s Museum Eduard Spörri findet sich a de Bifangstroos.
Uf Initiative vo de Antoinette Eckert, em Hansueli Trüb und em Rudolf Velhagen wird am Wocheänd vom 24. und 25. Oktober es grosses Kulturfäscht stattfinde. Di gnennte welle zeige, dass Kunscht nüd elitärs isch. De Rudolf Velhagen, Leiter vo de Galerii Gluri Suter Huus un Kurator vom Museum Eduard Spörri het ois uf oiseri Aafrog mitteilt, dass er uf zahlriichi Bsuecher hofft. «D Kulturmeile isch einzigartig in ihre Art un es git einigi Perle z entdecke», so de Velhagen geneüber de Wettiger Nochricht Zudem, so de Velhagen, «wärs schön, wenn s Publikum d Kulturmeile adoptiirt un di witere Usstellige un Aaläss mit wache un stuunende Auge dät begleite.” Planet isch, dass es das Fäscht alli zwei Johr wird geh.
Es wird uf de Kulturmeile Workshops für Chind gäh, en «Open Space» für Wettinger Künschtler im alte Schuelhuus am Lindeplatz.
Witeri Informatione un s detailliirt Programm find sich uf de Website www.bifang-kultur.ch.

Advertisements