De Iiwohnerrot het s Budget für 2016 gnehmiget

Wettingen Rathaus 176Mit Spannig isch d Iiwohnerrotssitzig vom 15. Oktober erwartet worde, wo d Verabschiidig vom Budget fürs Johr 2016 im Mittelpunkt gschtande isch. Mit emem Stüürfuess vo 95% isch es gnehmiget worde. De Iiwohnerrot het aber schints em Gmeindrot welle zeige, dass d Sparmöglichkeite no nöd alli usgschöpft sind und het de Budgetvorschlag, wo vomene Umsatz vo rund 107’850’000 Franke usgange isch, um 142’498 Franke reduziirt, was öppe 1.3 Promille vo de Budgetsumme usmacht. Noi rechnet d Gmeind also mit Usgabe vo rund 107’710’000 Franke im 2016.
D Fraktione vo de SP/WettiGrüenisch überzoge gsi, dass s Finanzsituation vo Wettige nöd ufgrund vomene Usgabe- sondern em Iinahmeproblem resultiirt und het en Erhöchig vom Stüürfuess uf 100% beaatrait. Numme d EVP/Forum5430-Fraktion het sich dem Aatrag aagschlosse, so dass er mit 16 gäge 30 Stimme abglehnt worde isch.

Advertisements