Bsunders für d Kandidatinne und Kandidate, aber au für ihri Parteie und für interessiirti Wählerinne und Wähler isch es imme rufregend z warte, bis di erschte verlässliche Zahl vorliged.
D SP het im Kanton ein Nationalrotssitz verlore und so isch d Erlicheterig bi de Yvonne Feri sicher gross gsi, dass si witerhin z Bärn cha politisiire. Jedefalls het si in eme Mail an ihri Unterstützerinne und Unterstützer gschribe, dass si sich riisig über d Wahl dät froie und sich für di nächschte viir Joh rim Parlament viil vorgnoh heig. Bemerkenswer isch us oisere Sicht au, dass si mit hetFür oiseri Wettiger Kandidate und Kandidatinne, isch es bsunders für d Yvonne Feri als amtiirendi Nationalrötin und 44’592 Stimme s beschti Ergäbnis vo de Kandidierende uf de SP-Liste gholt het und über 800 Stimme meh het übercho, wi de Cédric Wermuth, wo uf em erschte Lischteplatz isch gsi.
D zweit Wettiger Kandidatin, wo am ehndschte e Chance uf en Iizug ins Parlament het gha, isch d Lilian Studer vo de EVP. Mit 17’017 Stimme het si de zweitplaziirti uf de EVP-Liste mit eme Abstand vo über 10’000 Stimme hinter sich glah. Aber de Partei het di Stimmezahl nöd für en Sitz glanget. Si isch zudem di einzig Wettigeri gsi, wo für de Ständerot kandidiirt het. Mit 13’382 Stimme isch si chnapp hinter em Bernhard Guhl uf em 8. Platz glandet.
So bliibt Wettige witerhin d Yvonne Feri di einzig Wettiger Vertreterin im Parlament und mir gratuliire ihre härzlich zur Wahl!
Wettiger Nochrichte 