Mir chönnte das fascht bi de Wettiger Satire-Nochrichte veröffentliche, so guet passt de Name vom Theaterstück, wo Theatergsellschaft Wettige im Januar im Chilegmeindshuus z Wettige uf d Bühni bringt, zu de Sparüebige vo de Iiwohnergmeind.
Bisher het d Theatergsellschaft pro Johr zwei Vorführige am Sunntig Namittag jewils für Seniore gspilt und d Gmeind het di Ufführige mit 5000.- Franke unterstützt, wobi de gröschti Teil in en Versand vo Iiladige an alli über 70-jährigi gflossen isch. Wäge de Sparmassnahme het de Gmeindrot den Versand gstriche und au di derikti Unterstützig vo de Theatergsellschaft vo 1800.- Franke uf 1000.- Franke reduziirt. So wird’s in dem Johr kei IIladig an Seniore geh und au di separate Ufführige werde nöd stattfinde. D Ufführige an Namittag vom 17. und em 24. Januar sind jetzt offe für alli, Seniore zahle aber statt 20.- Franke numme 12.-.
«Mit Verluscht muesch rächne»
Wettiger Nochrichte 