Morn wählt de Iiwohnerrot en noie Präsident

Morn trifft sich de Iiwohnerrot zu sinere letzschte Sitzig im 2015. Nebe Kreditabrechnige zum Umbau vom Erdgschoss im Rothuus, zum Bau voneme Doppelchindergarte im Langäcker und em Umbau vom ehemolige EW-Gebäud für d Repol Wettige-Limmigtal stoht Wahl vom höchschte Wettiger für d Johr 2016 und 2017 im Mittelpunkt.
Für d Wahl zum Iiwohnerrotspräsident schlaht d CVP de Paul Koller vor und d SVP fürs Vizepräsidium de Hansjörg Huser. Als Stimmezähler stelled sich de Michael Merkli (BDP) und de Dacfey Dzung (WettiGrüen) zur Wahl.