Bruucht Wettige scho bald en noie Gmeindsammaa?

Dieth Attiger 2013 Bahnhof.jpg

D Zukunft wird zeige, ob de Gmeindsamaa Markus Dieth zämme mit dem Badener Stephan Attiger im Regiirigsrot wird si. (Foti: Archiv)

Im Herbscht finded d Grossrots- und Regirigsrotswahle statt. Scho im Vorfeld hets Vermuetige geh, dass de Roland Brogli (CVP) nümm wird aaträte. Jetzt het er de Verzicht uf en ernoiti Kandidatur bekannt geh. Somit stellt sich d Frog, wer für d CVP in de Wahlkampf für de Sitz im Regiirigsrot stiigd.
Scho längeri Ziit wird drüber spekuliirt, dass das de Wettiger Gmeindsammaa Markus Dieth wird si, wo grad er erfolgriichs Johr als Grossrotspräsident hinter sich brochd het und als Favorit in de CVP gilt.
D CVP laht sich aber no nöd in d Charte luege und het e Findigskommission unter de Leitig vom Grossrot Peter Voser iigsetzt, wo mit interessiirte Kandidatinne und Kandidate Gspräch wird führe. De endgültig Entscheid, ob de Markus Dieth ins Renne um de Regiirigsrot wird iistiige, falld bi ere Delegiirteversammlig vo de CVP im April.

 

Advertisements