Am 10. Juni 2016 started d Fuessballeuropameischterschaft (EM) z Frankriich mit em Match Frankriich gäge Rumänie. Fascht so sehnsüchtig wi uf de Start vo de Match selber, warte vili Fans ufs Panini-Sammelalbum, wo es au für d EM wird geh. Wann das Sammelalbum mit de Sticker in de Verchauf chunnt isch nö nöd bekannt, aber de Verchaufsstart wird öppe im April si.
Für di Lüt, wo nöd so lang möge warte, het de FC Wettige e gäbigi Alternative. Scho sit em 19. Dezember 2015 gits es Stikeralbum vom FC. Kaufe cha ma das Album und d Bildli bim Spitzbueb, im Kiosk und im Bistro Stadion Alteburg. Es Album choscht 10 Schtutz (mit füf Päckli mit Sticker) und es Päckli mit Bildli choscht 1 Schtutz. De Gwünn chunnt im Verei mit sine 22 Mannschafte z guet.
Mir hei de Tescht gmacht und es Album kauft. Mir sind überzoge, dass fascht jede, wo z Wettige au numme e chli Wurzle gschlage het, im Album öppe find, wo er kennt.
Wettiger Nochrichte 