Morn, Mittwoch, 3. Februar 2016 wird ab de halbizwei – wi jedes Johr – en Sirentescht durchgführt. Der erfolgt in de ganze Schwiiz, damit au bi ois z Wettige.
Zwüschem halbizwei und zwei wird di jährlich Sirenekontrolle duregführt. Es goht drum d Funktionsfähigkeit vo de stationäre und de mobile Sirene z teschte, dass si im Ernschtfall au würklech däte funktioniire und de Bevölkerig jährlich in Erinnerig z rüefe, was so en Alarm bedütet. S Zeiche, wu usglöst wird, bedütete “allgemeine Alarm”. Das isch en uf- und abstiigender Ton, wo e Minute duuret. Vom viirtelabzwei bis um drei wird a de Limmig unterhalb voo de Staumuur au de Wasseralarm teschtet. Das sind zwölf tüüfi Duurtön vo de 20 Sekunde im Abschtand vo 10 Sekunde.
Will es sich um Probealarm handlet, müent vo de Bevölkerig kei Massnahme ergriffe werde, aber im Ernschtfall würde so en Alarm uf e Gfährdig vo de Bevölkerig hiwiise. In dem Fall müesst me Radio losse, d Aawisig vo de Behörde befolge und d Nachbure informiire. De Wasseralarm wird immer erscht nach eme allgemeine Alarm usglöst und würdi bedütet, dass me s gfährdete Gebiet sofort sött verlah.
Quelle und witeri Informatione: http://www.wettingen.ch/de/aktuelles/aktuellesinformationen/?action=showinfo&info_id=308869
Wettiger Nochrichte 