Pischtole in Auto entdeckd

Wi d Kantonspolizei mitteild, het d Regionalpolizei Wettige-Limmigtal (Repol) in eme Auto mit niderlandischen Kennzeiche am Mittwoch e Pischtole sichergstelld.
RegionalpolizeiAm Obe vom 10. Februar 2016 hed e Patrouille vo de Repol en Peugeot gstopped, wo sich verdächtig gmached hed und i dem zwei Serbe (41 und 51-jährig) und en 23-jährige Niderländer si unterwägs gsi. Mit de Verstärkig vo witere Patrouille isch s Auto durchsuechd worde. Daderbi sind Polizischte uf e versteckti Pischtole und anderi verdächtigi Gägeständ gstosse. De 51-jährig Serb isch polizeibekannt und keine vo denen drü, wo d Polizei alli feschtgnoh hed, hed en Wohnsitz i de Schwiiz. D Kapo hed de Verdacht, dass di drü Raubdelikt in de Schwiiz hei welle begoh. D Staatsaawaltschaft Bade hed e Strofuntersuechig iigleited und bim Zwangsmassnahmegricht Untersuechigshaft beaatreid.

Advertisements