Zugsusfall wäge Grippe

En Regionalexpress, wo vo Olte uf Wettige het sölle fahre, isch hüt am Morge usgfalle. Wi s Badener Tagblatt (BT) brichted, isch de Lokiführer chrank worde und d SBB het nöd so schnell chönne en Erstaz organisiire.

2013-06-03 10.43.12

Gleis 4 im Bahnhof z Olte, wo de RE normalerwiis losfahrt

Das, wo de Pendler hüt am Morge im Regionalexpress (RE) uf Wettige passirt isch, chunnt höchscht selte vor, wi de Mediesprächer vo de SBB, de Daniele Pallecchi, gegenüber em BT betond het.  Nämlich dass en Zug wäge Chrankheit vo eme Lokiführer usfallt. De SBB het nämlich immer Reservelokiführer uf Pikett, eo in so emem Fall chöi iispringe. Aber hüt, em 26. Feburar 2016, sind scho alli im Iisatz gsi, wo sich de Lokifüherer vom RE wäge Grippe het müesse chrank melde. E Virtlestund nach em Abfahrtstermin hei d Pendler alli wider müesse usstiige. Und no emol e Virtelstund isch es gange, bis si mit em Interregio hei chönne witerfahre. So sind d Reisende öppe e halbi Stund z spot z Olte ewägcho. D SBB, so de Mediesprächer gegenüber em BT, entschuldigi sich bi de Kunde und wünschi im Lokiführer gueti Besserig.

 

Advertisements